កុំខូចចិត្តអីហ្វេន Boy! Nancy ត្រៀមថតរឿងជាមួយតួប្រុសអូស្ត្រាលីរូបសង្ហា សមគ្នាអស់ស្ទះហើយ!

កូរ៉េខាងត្បូង៖ ចាប់តាំងពីចូលប្រឡូកសិល្បៈមក តារាចម្រៀងស្រីកូនកាត់ Nancy សមាជិកក្រុម Momoland ទទួលបានការចាប់អារម្មណ៍យ៉ាងច្រើនលើសលប់ ពីសំណាក់មហាជន ដោយសារតែសម្រស់ដ៏ស្រស់ស្អាតលេចធ្លោពីកំណើតរបស់នាង។

លើសពីនេះទៅទៀតនោះ ទន្ទឹមនឹងការងារជាអ្នកចម្រៀងកំពុងទទួលបានជោគជ័យ ស្រាប់តែថ្មីៗនេះ តារាស្រីវ័យ១៩ឆ្នាំរូបនេះ បានប្រកាសថា នឹងចូលប្រឡូកក្នុងវិស័យសម្តែងបន្ថែមទៀត ដោយនាងនឹងត្រៀមសម្តែងខ្សែភាពយន្តបរទេសថ្មីមួយ ចំណងឃើញថា «Soulmate» ដែលសម្តែងជាមួយនឹងតារាសម្តែងប្រុសរូបសង្ហា សញ្ជាតិអូស្រ្តាលី ឈ្មោះថា James Reid។

មិនតែប៉ុណ្ណោះ កាលពីថ្មីៗនេះ អ្នកទាំងពីរក៏ដូចជាផលិតករខ្សែភាពយន្ត ក៏បានធ្វើជំនួបជួបជុំគ្នាញុំាអាហារពេលល្ងាច ជាការបើកឆាកដំណើរការខ្សែភាពយន្តផងដែរ។ ​ដោយឡែក អ្វីដែលធ្វើឲ្យប្រិយមិត្តទស្សនិកជន មានការចាប់អារម្មណ៍ខ្លាំងបំផុតនោះ គឺរូបសម្រស់ដ៏ស្រស់ស្អាតសង្ហារបស់តួឯកប្រុសស្រីថ្មោងថ្មីទាំងពីរដួងនេះតែម្តង។

ជាការពិតណាស់ សម្រស់របស់តួឯកប្រុសស្រីទាំងពីរដួងនេះ ធ្វើឲ្យប្រិយមិត្តមិនអាចដកក្រសែភ្នែកចេញបាន ដោយសារតែ Nancy និង James សុទ្ធសឹងតែមានរូបសម្រស់ស្រស់ស្អាតសង្ហាដូចៗគ្នា ដោយទាំងនេះហើយជាមូលហេតុ ដែលធ្វើឲ្យអ្នកគាំទ្រកាន់តែអន្ទះសា ចង់ទស្សនាខ្សែភាពយន្តរបស់ពួកគេក្នុងពេលឆាប់ៗនេះផងដែរ៕

Leave a Reply